ਪੰਜਾਬ ਗੁਰੂਆਂ ਦੇ ਨਾਂ ’ਤੇ ਹੱਸਦਾ ਅਤੇ ਵੱਸਦਾ ਹੈ। ਬੀਤੇ ਦਹਾਕੇ ਤੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਨਾਂ ਉੱਤੇ ਸਿਆਸਤ ਕਰਨ ਦਾ ਪ੍ਰਚਲਨ ਜਾਰੀ ਹੈ। ਬੇਅਦਬੀਆਂ ਤੇ ਸਰਕਾਰਾਂ ਬਣਦੀਆਂ ਅਤੇ ਬਦਲਦੀਆਂ ਰਹੀਆਂ ਹਨ। ਪ੍ਰੰਤੂ ਜੁੱਗੋ-ਜੁੱਗ ਅਟੱਲ ਰਹਿਣ ਵਾਲੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਉਸਤਤ ਵਿੱਚ ਪੰਜਾਬ ਦੇ ਗਾਇਕਾਂ ’ਚੋਂ ਕਿਸੇ ਇੱਕ ਵੀ ਗਾਇਕ ਨੇ ਹੁਣ ਤੀਕ ਕਲਾਸੀਕਲ ਪੱਧਰ ਦਾ ਕੋਈ ਵੀ ਗੀਤ ਨਹੀਂ ਗਾਇਆ। ਇਸ ਦੀ ਪਹਿਲ ਕਦਮੀ ਕਰਦਿਆਂ ਸੁਰੀਲੀ ਆਵਾਜ ਦੇ ਮਾਲਕ ਸੁਰਖਾਬ ਨੇ ‘ਸਾਹਿਬ ਮੈਗਜੀਨ’ ਦੇ ਮੁੱਖ ਸੰਪਾਦਕ ਰਣਜੀਤ ਸਿੰਘ ਰਾਣਾ ਦਾ ਲਿਖਿਆ ਗੀਤ, ‘ਗੁਰੂਆਂ ਦਾ ਹੈ ਗੁਰੂ ਗ੍ਰੰਥ ਮਹਾਨ ਗੁਰੂ, ਗੁਰਬਾਣੀ ਨੂੰ ਮੰਨਦਾ ਕੁੱਲ ਜਹਾਨ ਗੁਰੂ’ ‘ਜੀਵਨ ਰਿਕਾਰਡ’ ਵੱਲੋਂ ਛਾਇਆ ਕੀਤਾ ਗਿਆ, ਆਮ ਲੋਕਾਂ ਦੀ ਜੁਬਾਨ ’ਤੇ ਹੈ। ਉਪਰੋਕਤ ਖਟਕਦੀ ਹੋਈ ਘਾਟ ਨੂੰ ਇੱਕ ਤਰਾਂ ਨਾਲ ਇਸ ਗਾਇਕ ਨੇ ਪੂਰਿਆਂ ਕਰ ਦਿੱਤਾ ਹੈ।
ਜਿਕਰਯੋਗ
ਹੈ ਕਿ ਏਸੇ ਹੀ ਕਲਮ, ਭਾਵ ਰਣਜੀਤ ਸਿੰਘ ਰਾਣਾ ਦੀ ਕਲਮ ਦੇ ਸਿਰਜੇ ਅਤੇ ਸੁਰਖ਼ਾਬ ਦੀ ਰਸ-ਭਿੰਨੀ ਤੇ
ਸੁਰੀਲੀ ਅਵਾਜ਼ ਤੋਂ ਗਾਏ ਗਏ ਕਈ ਗੀਤ ਹਨ, ਜਿਨਾਂ ਵਿਚੋਂ, ‘ਗੂਰੂ ਤੇਗ ਬਹਾਦਰ ਧਰਮ ਦੀ ਚਾਦਰ, ਡੁੱਬਦੀ
ਹਿੰਦ ਨੂੰ ਤਾਰ ਗਿਆ, ਤਿਲਕ ਜੰਜੂ ਦੀ ਰੱਖਿਆ ਖਾਤਰ ਸਤਿਗੁਰ ਆਪਾ ਵਾਰ ਗਿਆ’ ਅਤੇ ਕਿਸਾਨੀ ਮੁੱਦੇ ਤੇ
ਲਿਖਿਆ ਗੀਤ, ‘ਉਸਦੇ ਨਾਂ ਦੇ ਚਰਚੇ ਸਾਰੇ ਜਗ ਵਿੱਚ ਹੁੰਦੇ ਸੀ, ਮਿਹਨਤ ਦੇ ਨਾਲ ਉਸਨੇ ਸੋਹਣੇ ਡੌਲੇ
ਗੁੰਦੇ ਸੀ’ ਗਾ ਕੇ ਦੁਨੀਆਂ ’ਚ ਖੂਬ ਨਾਮਨਾ ਖੱਟਿਆ ਹੈ।
ਇੱਥੇ
ਇਹ ਵੀ ਵਰਣਨਯੋਗ ਹੈ ਕਿ ਸੁਰਖਾਬ ਨੂੰ ਗਾਇਕੀ ਦੀ ਕਲਾ ਵਿਰਸੇ ਵਿਚ ਘਰੇਲੂ ਮਹੌਲ ਵਿਚੋਂ ਹੀ ਮਿਲੀ ਹੈ,
ਕਿਉਂਕਿ ਉਸਦੇ ਪਿਤਾ ਸ. ਕਰਨੈਲ ਸਿੰਘ ਸਬਦਲਪੁਰੀ ਵੀ ਅੱਛੀ ਆਵਾਜ ਅਤੇ ਕਲਮ ਦੇ ਮਾਲਕ ਹਨ। ਜਿਨਾਂ ਨੇ
ਸੰਗੀਤਕ ਵਿੱਦਿਆ ਪੂਰਨ ਸ਼ਾਹਕੋਟੀ ਜੀ ਤੋਂ ਲਈ ਹੋਈ ਹੈ।
ਇਸ
ਵਿੱਚ ਕੋਈ ਦੋ ਰਾਇ ਨਹੀਂ ਹੈ ਕਿ ਰਣਜੀਤ ਸਿੰਘ ਰਾਣਾ ਕੋਲ ਜਿੱਥੇ ਸ਼ਬਦ ਹਨ, ਉਥੇ ਕਹਿਣ ਦੇ ਢੰਗ ਦੇ
ਨਾਲ ਨਾਲ ਉਹ ਖੂਬਸੂਰਤ ਵਿਚਾਰਾਂ ਦਾ ਵੀ ਧਨੀ ਹੈ। ਭਵਿੱਖ ਵਿੱਚ ਜਿੱਥੇ ਉਸ ਕੋਲੋਂ ਹੋਰ ਵਧੀਆਂ ਗੀਤਾਂ
ਦੀ ਆਸ ਕੀਤੀ ਜਾਂਦੀ ਹੈ, ਓਥੇ ਸੁਰਖਾਬ ਲਈ ਉਸ ਅਗੰਮੀ ਸ਼ਕਤੀ ਸਾਂਹਵੇਂ ਅਸੀਂ ਬਿਨੈਕਾਰ ਹਾਂ ਕਿ ਉਸ
ਨੂੰ ਹੋਰ ਤੌਫੀਕ ਬਖਸ਼ੇ ਤਾਂ ਕਿ ਉਹ ਤਾਰਿਆਂ ਵਿੱਚ ਚੰਨ ਦੀ ਤਰਾਂ ਨਜਰ ਆਵੇ।
-ਪ੍ਰੀਤਮ ਲੁਧਿਆਣਵੀ, (ਚੰਡੀਗੜ), 9876428641
ਸੰਪਰਕ : ਸੁਰਖ਼ਾਬ,
ਮੁਹਾਲੀ, 7837060052
No comments:
Post a Comment