ਰੁੱਖ ਹੋਣਗੇ, ਤਾਂ ਹੀ ਸਾਹ ਲੈ ਸਕਾਂਗੇ- ਜਥੇਦਾਰ ਮਨੌਹਰ ਸਿੰਘ
ਆਉ ਸਾਰੇ ਰੱਲ ਕੇ ਵਾਤਾਵਰਨ ਬਚਾਈਏ, ਵਧੇਰੇ ਰੁੱਖ ਲਗਾਈਏ- ਸੁਖਜੀਤ ਸਿੰਘ ਡਰੋਲੀ ਕਲਾਂ
ਆਦਮਪੁਰ/ਜਲੰਧਰ (ਖ਼ਬਰਸਾਰ ਪੰਜਾਬ)- ਧਰਤੀ ਤੇ ਜਿੰਨੇ ਵਧੇਰੇ ਰੁੱਖ ਹੋਣਗੇ, ਅਸੀਂ ਸਾਰੇ ਤਾਂ ਹੀ ਸਾਹ ਲੈ ਸਕਾਂਗੇ, ਦਿਨੋਂ ਦਿਨ ਰੁੱਖਾਂ ਦੀ ਹੋ ਰਹੀ ਕਟਾਈ ਨਾਲ ਜੋ ਅਸੀਂ ਕੁਦਰਤ ਨਾਲ ਖਿਲਵਾੜ ਕਰ ਰਹੇ ਹਾਂ, ਉਸਦਾ ਖਾਮਿਆਜ਼ਾ ਸਾਡੀਆਂ ਅਗਲੀਆਂ ਪੀੜੀਆਂ ਨੂੰ ਭੁੱਗਤਣਾਂ ਪਵੇਗਾ। ਕਰੋਨਾ ਮਹਾਂਮਾਰੀ ਦੌਰਾਨ ਆਕਸੀਜ਼ਨ ਦਾ ਘਾਟ ਨੇ ਲੱਖਾਂ ਜਾਂਨਾ ਲੈ ਕੇ ਸਾਡੇ ਪਾਸੋਂ, ਹਜ਼ਾਰਾ ਸਾਡੇ ਆਪਣਿਆਂ ਨੂੰ ਖੋ੍ਹਹ ਲਿਆ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਗੁਰਦੁਆਰਾ ਸ਼ਹੀਦ ਬਾਬਾ ਮਤੀ ਜੀ ਪਿੰਡ ਡਰੋਲੀ ਕਲਾਂ (ਆਦਮਪੁਰ) ਦੇ ਪ੍ਰਧਾਨ ਜਥੇਦਾਰ ਮਨੌਹਰ ਸਿੰਘ ਨੇ ਪ੍ਰੈਸ ਨਾਲ ਗੁਰੂ ਘਰ ਵਿਖੇ ਪੌਦੇ ਲਗਾਉਣ ਸਮੇਂ ਕੀਤਾ। ਉਨ੍ਹਾਂ ਕਿਹਾ ਸਾਡੇ ਬਚਿਆਂ ਨੂੰ ਭਵਿੱਖ ਵਿੱਚ ਸਾਫ ਸੁਧਰਾਂ ਵਾਤਾਵਰਨ ਅਤੇ ਸ਼ੁੱਧ ਆਕਸੀਜ਼ਨ ਪ੍ਰਦਾਨ ਕਰਵਾਉਣ ਲਈ ਸਾਨੂੰ ਸਾਰਿਆਂ ਨੂੰ ਵੱਧ ਤੋਂ ਵੱਧ ਪੌਦੇ ਲਗਾਉਣੇ ਚਾਹੀਦੇ ਹਨ। ਅੱਜ ਗੁਰਦੁਆਰਾ ਸ਼ਹੀਦ ਬਾਬਾ ਮਤੀ ਜੀ ਪਿੰਡ ਡਰੋਲੀ ਕਲਾਂ (ਆਦਮਪੁਰ) ਵਿੱਖੇ ਹਰਿਆਵਲ ਇੰਨਵਾਇਰਮੈਂਟ ਸੁਸਾਇਟੀ ਪਿੰਡ ਪਧਿਆਣਾ (ਆਦਮਪੁਰ) ਦੇ ਸਮੂਹ ਮੈਂਬਰਾਂ ਦੇ ਸਹਿਯੋਗ ਨਾਲ ਲੰਗਰ ਹਾਲ ਨਜ਼ਦੀਕ ਵੱਖ-ਵੱਖ ਕਿਸਮਾਂ ਦੇ 100 ਪੌਦੋ ਲਗਾਏ ਗਏ। ਇਸ ਮੌਕੇ ਸੁਸਾਇਟੀ ਦੇ ਸੇਵਾਦਾਰ ਅਵਤਾਰ ਕ੍ਰਿਸ਼ਨ ਜ਼ੇ.ਟੀ.ਉ ਨੇ ਦਸਿਆ ਕਿ ਉਨ੍ਹਾਂ ਦੀ ਸੁਸਾਇਟੀ ਵਲੋਂ ਸ਼ੁਰੂ ਕੀਤੀ ਗਈ ਇਸ ਮੁਹਿੰਮ ਤਹਿਤ ਉਹ ਸਮੂਹ ਨੋਜਵਾਨਾਂ ਦੇ ਸਹਿਯੋਗ ਨਾਲ ਕਰੀਬ 500 ਪੌਦੇ ਲਗਾ ਚੁੱਕੇ ਹਨ ਅਤੇ ਅੱਜ ਸ਼ਹੀਦ ਬਾਬਾ ਮਤੀ ਜੀ ਸੇਵਾ ਸੁਸਾਇਟੀ ਪਿੰਡ ਡਰੋਲੀ ਕਲਾਂ ਦੇ ਸਹਿਯੋਗ ਨਾਲ ਗੁਰਦੁਆਰਾ ਸ਼ਬੀਦ ਬਾਬਾ ਮਤੀ ਜੀ ਵਿੱਖੇ 100 ਪੌਦੇ ਵਾਤਾਵਰਨ ਨੂੰ ਹਰਿਆ ਭਰਿਆ ਰੱਖਣ ਦੇ ਮੰਤਵ ਨਾਲ ਲਗਾਏ ਗਏ ਹਨ।
ਇਹ ਪੌਦੇ ਲਗਾਉਣ ਦੀ ਰਸਮ ਸਵੇਰੇ ਕਰੀਬ 5.30 ਮਿੰਨਟ ਤੇ ਨੋਜਵਾਨ ਵੀਰਾਂ ਵਲੋਂ ਸ਼ੁਰੂ ਕੀਤੀ ਗਈ। ਇਸ ਮੌਕੇ ਗੁਰੂ ਘਰ ਦੇ ਸੇਵਾਦਾਰ ਅਤੇ ਉਘੇ ਸਮਾਜ ਸੇਵਕ ਸੁਖਜੀਤ ਸਿੰਘ ਡਰੋਲੀ ਕਲਾਂ ਨੇ ਦਸਿਆ ਕਿ ਇਹ ਸਾਰਾ ਉਪਰਾਲਾ ਸੰਤ ਬਾਬਾ ਬਲਵੀਰ ਸਿੰਘ ਸੀਚੇਵਾਲ ਜੀ ਦੇ ਆਸ਼ੀਰਵਾਦ ਸਦਕਾ ਅਤੇ ਉਨ੍ਹਾਂ ਦੀ ਪ੍ਰੇਰਨਾਂ ਨਾਲ ਸੰਭਵ ਹੋਇਆ ਹੈ ਜੋ ਕਿ ਲਗਾਤਾਰ ਜਾਰੀ ਰਹੇਗਾ। ਉਨ੍ਹਾਂ ਇਸ ਉਪਰਾਲੇ ਲਈ ਹਰਿਆਵਲ ਇੰਨਵਾਇਰਮੈਂਟ ਸੁਸਾਇਟੀ ਪਿੰਡ ਪਧਿਆਣਾ ਦੇ ਸਮੂਹ ਮੈਂਬਰਾਂ ਅਤੇ ਨੋਜਵਾਨ ਵੀਰਾਂ ਦਾ ਧੰਨਵਾਦ ਕੀਤਾ ਹੈ। ਇਸ ਮੌਕੇ ਭਾਈ ਸੁਖਜੀਤ ਸਿੰਘ ਡਰੋਲੀ ਕਲਾਂ, ਅਵਤਾਰ ਕ੍ਰਿਸ਼ਨ ਜੇ.ਟੀ.ਉ, ਗੁਰਵਿੰਦਰ ਸਿੰਘ ਜੇ.ਟੀ.ਉ, ਸਾਬਕਾ ਇੰਸਪੈਕਟਰ ਪਰਮਜੀਤ ਸਿੰਘ, ਚਰਨਜੀਤ ਸਿੰਘ, ਸੁਰਿੰਦਰ ਸਿੰਘ ਨੰਬਰਦਾਰ ਪਧਿਆਣਾ, ਤਰਨਜੀਤ ਸਿੰਘ, ਸ਼ਮਸ਼ੇਰ ਸਿੰਘ ਤੇ ਹੋਰ ਸੇਵਾਦਾਰ ਹਾਜ਼ਰ ਸਨ।
No comments:
Post a Comment