ਪ੍ਰਵਾਸੀ ਭਾਰਤੀ ਹਰਪ੍ਰੀਤ ਸਿੰਘ ਬਾਜਵਾ ਅਤੇ ਹੈਪੀ ਖੋਖਰ ਯੂ.ਕੇ ਵਲੋਂ ਕੀਤਾ ਉਪਰਾਲਾ ਸਲਾਘਾਯੋਗ- ਸੁੱਖੀ ਬਾਠ
ਟਾਂਡਾ 28 ਨਵੰਬਰ (ਖ਼ਬਰਸਾਰ ਪੰਜਾਬ ਬਿਊਰੌ)- ਟਾਂਡਾ ਨੇੜੇ ਪੈਂਦੇ ਪਿੰਡ ਖੋਖਰ ਵਿਖੇ ਪ੍ਰਵਾਸੀ ਭਾਰਤੀ ਹਰਪ੍ਰੀਤ ਸਿੰਘ ਬਾਜਵਾ ਅਤੇ ਹੈਪੀ ਯੂ.ਕੇ ਵਲੋਂ ਲਗਵਾਇਆ ਗਿਆ ਕੈਂਸਰ ਕੇਅਰ ਕੈਂਪ ਸਫਲਤਾਪੂਰਵਕ ਸੰਪਨ ਹੋ ਗਿਆ। ਸ਼ਹੀਦ ਹੋਏ ਕਿਸਾਨਾਂ ਨੂੰ ਸਮਰਪਿਤ ਲਗਵਾਏ ਗਏ ਇਸ ਕੈਂਪ ਵਿੱਚ ਸੁੱਖੀ ਬਾਠ ਸੰਸਥਾਪਕ ਪੰਜਾਬ ਭਵਨ ਕੈਨੇਡਾ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਏ ਜਦਕਿ ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਦੋਆਬਾ ਜ਼ੋਨ ਦੇ ਪ੍ਰਧਾਨ ਅਮਰਜੋਤ ਸਿੰਘ, ਡਾ. ਪ੍ਰੀਤ ਮਹਿੰਦਰ ਐਸ.ਐਮ.ਓ ਟਾਂਡਾ, ਸਾਬਕਾ ਡਿਪਟੀ ਡਾਇਰੈਕਟਰ ਪੰਜਾਬ ਡਾ. ਕੇਵਲ ਸਿੰਘ ਕਾਜਲ, ਇੰਸਪੈਕਟਰ ਬਿਕਰਮ ਸਿੰਘ ਐਸ.ਐਚ.ਓ ਟਾਂਡਾ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਸ਼ਾਮਿਲ ਹੋਏ।
ਕੈਂਸਰ ਕੇਅਰ ਅਤੇ ਆਮ ਜਨਰਲ ਚੈੱਕਅਪ ਕੈਂਪ ਚ ਕਰੀਬ 400 ਤੋਂ ਵੱਧ ਲੋਕਾਂ ਨੇ ਆਪਣਾ ਚੈੱਕਅੱਪ ਕਰਵਾਇਆ।
ਇਸ ਮੌਕੇ ਤੇ ਸੁੱਖੀ ਬਾਠ ਨੇ ਆਪਣੇ ਸੰਬੋਧਨ ਚ ਕਿਹਾ ਕਿ ਖੋਖਰ ਪਿੰਡ ਦੇ ਦੋ ਵਿਦੇਸ਼ ਰਹਿੰਦੇ ਦੋ ਭਰਾਵਾਂ ਹਰਪ੍ਰੀਤ ਸਿੰਘ ਬਾਜਵਾ ਅਮਰੀਕਾ ਅਤੇ ਹੈਪੀ ਇੰਗਲੈਡ ਵਲੋਂ ਪੰਜਾਬ ਬੈਠੇ ਆਪਣੇ ਖੇਤਰ ਦੇ ਲੋਕਾਂ ਪ੍ਰਤੀ ਫ਼ਿਕਰਮੰਦ ਹੁੰਦਿਆਂ ਇਹ ਉਪਰਾਲਾ ਕੀਤਾ ਬਹੁਤ ਹੀ ਸ਼ਲਾਘਾਯੋਗ ਹੈ। ਸੁੱਖੀ ਬਾਠ ਨੇ ਕਿਹਾ ਕਿ ਇਨ੍ਹਾਂ ਨੌਜਵਾਨਾਂ ਵੱਲ ਦੇਖ ਕੇ ਹੋਰ ਵੀ ਪੰਜਾਬੀ ਪ੍ਰਵਾਸੀ ਵੀਰਾਂ ਨੂੰ ਅਜਿਹੇ ਉਪਰਾਲੇ ਕੀਤੇ ਜਾਣ ਦੀ ਲੋੜ ਹੈ। ਇਸ ਮੌਕੇ ਤੇ ਸੁੱਖੀ ਬਾਠ ਕੈਨੇਡਾ ਅਤੇ ਅਮਰਦੀਪ ਸਿੰਘ ਦਾ ਵਿਸ਼ੇਸ਼ ਰੂਪ ਨਾਲ ਨਿੱਘਾ ਸਵਾਗਤ ਅਤੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਤੇ ਹਰਪ੍ਰੀਤ ਸਿੰਘ ਬਾਜਵਾ ਯੂ.ਐਸ.ਏ ਅਤੇ ਹੈਪੀ ਬਾਜਵਾ ਇੰਗਲੈਂਡ ਵਲੋਂ ਇਸ ਖੇਤਰ ਚ ਲਗਾਏ ਗਏ ਅਜਿਹੇ ਕੈਂਪ ਦੀ ਸਲਘਾ ਕਰਦਿਆਂ ਖੇਤਰ ਦੀਆਂ ਨਾਮਵਰ ਸੰਸਥਾਵਾਂ ਵਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ ਜਿਨ੍ਹਾਂ ਵਿੱਚ ਗੁਰਮਤਿ ਸਮਾਜ ਸੇਵਾ ਸੰਸਥਾ ਅੱਡਾ ਚੌਲਾਂਗ ਦੇ ਪ੍ਰਧਾਨ ਡਾ. ਮਨਜਿੰਦਰ ਸਿੰਘ, ਸਕੱਤਰ ਸਿੰਘ ਚੱਕ ਸਕੂਰ, ਐਕਸ ਸਰਵਿਸਮੈਨ ਸੁਸਾਇਟੀ ਦੇ ਪ੍ਰਧਾਨ ਗੁਰਮੇਲ ਸਿੰਘ, ਲੈਕਚਰਾਰ ਸੁਰਜੀਤ ਲਾਲ ਸੱਦਾਚੱਕ, ਆਈ ਡੋਨਰ ਇੰਚਾਰਜ ਭਾਈ ਵਰਿੰਦਰ ਸਿੰਘ ਮਸੀਤੀ, ਸੀਨੀਅਰ ਸਿਟੀਜਨ ਸੋਸਾਇਟੀ ਟਾਂਡਾ ਦੇ ਪ੍ਰਧਾਨ ਮਾਸਟਰ ਅਵਤਾਰ ਸਿੰਘ ਮਸੀਤੀ, ਮਨਦੀਪ ਸਿੰਘ ਜਹੂਰਾ ਪ੍ਰਧਾਨ ਡਰਾਈਵਰ ਸੇਵਾ ਹੈਲਪਲਾਈਨ ਪੰਜਾਬ ਆਦਿ ਸੰਸਥਾਵਾਂ ਵੱਲੋਂ ਪ੍ਰਵਾਸੀ ਭਾਰਤੀ ਹਰਪ੍ਰੀਤ ਸਿੰਘ ਬਾਜਵਾ ਯੂ.ਐਸ.ਏ ਅਤੇ ਹੈਪੀ ਬਾਜਵਾ ਯੂ.ਕੇ ਦੇ ਇਸ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ। ਇਸ ਮੌਕੇ ਤੇ ਉੱਘੇ ਗੀਤਕਾਰ ਹਰਵਿੰਦਰ ਉਹੜਪੁਰੀ, ਹਨੀ ਗਿੱਲ ਦਸੂਹਾ, ਸਿੰਮੀ ਚੱਕਸ਼ਕੂਰ, ਹਰਪ੍ਰੀਤ ਸਿੰਘ ਸੰਧੂ ਪ੍ਰਧਾਨ ਕਿਸਾਨ ਯੂਨੀਅਨ ਦਸੂਹਾ ਸਰਕਲ, ਕਿਸਾਨ ਆਗੂ ਹਰਦੀਪ ਖੁੱਡਾ, ਮਿੰਟਾ ਲੁਧਿਆਣਾ ਕਿਸਾਨ ਯੂਨੀਅਨ ਦੇ ਜਨਰਲ ਸਕੱਤਰ, ਅਮਰਜੀਤ ਸਿੰਘ ਧੜ੍ਹੇਕਤਵਾਲ, ਕਸ਼ਮੀਰ ਸਿੰਘ ਬਾਜਵਾ, ਹਰਭਜਨ ਸਿੰਘ ਟੋਭਾ, ਕੁਲਵੰਤ ਸਿੰਘ ਖੋਖਰ, ਮਾਸਟਰ ਗੁਰਚਰਨ ਸਿੰਘ ਖੋਖਰ, ਜਰਨੈਲ ਸਿੰਘ ਸੀਕਰੀ, ਕਾਕਾ ਬੈਂਚ, ਗੁਰਮੁੱਖ ਸਿੰਘ ਖੋਖਰ, ਦਿਲਬਾਗ ਸਿੰਘ ਖੋਖਰ, ਸੁਖਵਿੰਦਰ ਸਿੰਘ ਰਾਵਲਪਿੰਡੀ, ਜਸਕਰਨ ਸਿੰਘ ਸ਼ਾਹ, ਬੂਟਾ ਸਿੰਘ ਸ਼ਾਹ, ਐਡਵੋਕੇਟ ਸਮਸ਼ੇਰ ਸਿੰਘ ਭਾਰਦਵਾਜ, ਐਡਵੋਕੇਟ ਉਂਕਾਰ ਸਿੰਘ ਜਲੰਧਰ, ਐਡਵੋਕੇਟ ਕਮਲਜੀਤ ਸਿੰਘ ਲਾਡੀ, ਲਖਵੀਰ ਸਿੰਘ ਖੋਖਰ, ਯੋਧਾ ਖੋਖਰ, ਹਰਮਨ ਖੋਖਰ, ਸਿਮਰਨ ਖੋਖਰ, ਗੁਰਜਿਤ ਖੋਖਰ, ਰਵੀਸ਼ੇਰ ਖੋਖਰ, ਮਨਜਿੰਦਰ ਖੋਖਰ, ਬਿੱਲਾ ਬੂਰੇ ਜੱਟਾਂ ਨੇ ਵੀ ਸ਼ਿਰਕਤ ਕੀਤੀ।
No comments:
Post a Comment