ਨਾਮਵਰ ਕਹਾਣੀਕਾਰ ਸੁਰਿੰਦਰ ਜੱਕੋਪੁਰੀ ਦੀ ਲਿਖੀ ਲਘੂ ਫ਼ਿਲਮ,‘ਇੱਜ਼ਤ ਨੂੰ ਦਾਗ’ ਦੀ ਲਾਂਬਾ ਪ੍ਰੋਡਕਸ਼ਨ ਵੱਲੋ ਸ਼ੂਟਿੰਗ ਮੁਕੰਮਲ

 

ਚੰਡੀਗੜ (ਪ੍ਰੀਤਮ ਲੁਧਿਆਣਵੀ), 23 ਨਵੰਬਰ, 2021: ਲਾਂਬਾ ਪ੍ਰੋਡਕਸ਼ਨ ਵੱਲੋਂ ਨਾਮਵਰ ਕਹਾਣੀਕਾਰ ਤੇ ਗੀਤਕਾਰ ਸ੍ਰੀ ਸੁਰਿੰਦਰ ਜੱਕੋਪੁਰੀ ਦੀ ਲਿਖੀ ਕਹਾਣੀ ’ਤੇ ਅਧਾਰਿਤ ਲਘੂ ਫ਼ਿਲਮ, ‘ਇੱਜਤ ਨੂੰ ਦਾਗ’ ਦੀ ਸ਼ੂਟਿੰਗ ਮੁਕੰਮਲ ਕੀਤੀ ਗਈ। ਇਸ ਫ਼ਿਲਮ ਵਿੱਚ ਅਦਾਕਾਰੀ ਕੀਤੀ ਹੈ ਬਲਵਿੰਦਰ ਸਿੰਘ ਕਲੀਪੁਰ, ਸੰਦੀਪ ਕੌਰ ਸੋਨੀ, ਸ਼ੁਕਰੀਆ, ਸਿੱਧੂ ਅਤੇ ਸੁਖਵੀਰ ਨੇ। ਵੀਡੀਓ ਡਾਇਰੈਕਟਰ ਦੀ ਸੇਵਾ ਨਿਭਾਈ ਹੈ ਹਰਜਿੰਦਰ ਲਾਂਬਾ ਨੇ। ਇਸ ਪ੍ਰੋਜੈਕਟ ਵਿਚ ਵਿਸ਼ੇਸ਼ ਸਹਿਯੋਗ ਕਰਤਾ ਹੈ ਸੁੱਖ ਲਾਂਬਾ।

          ਵੀਡੀਓ ਡਾਇਰੈਕਟਰ ਹਰਜਿੰਦਰ ਲਾਂਬਾ ਨੇ ਫੋਨ ਤੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸਾਡੀ ਇਹ ਲਘੂ ਫ਼ਿਲਮ ਸਮਾਜਿਕ ਸੁਨੇਹੇ ਤੇ ਅਧਾਰਿਤ ਹੈ। ਸਾਨੂੰ ਦਰਸ਼ਕਾਂ ਵੱਲੋਂ ਸਾਡੇ ਇਸ ਉਪਰਾਲੇ ਦੀ ਭਰਪੂਰ ਸ਼ਲਾਘਾ ਕੀਤੇ ਜਾਣ ਦੀ ਪੂਰਨ ਆਸ ਹੈ। ਉਨਾਂ ਆਪਣੇ ਵਾਅਦੇ ਨੂੰ ਦੁਹਰਾਉਂਦਿਆਂ ਕਿਹਾ ਸਾਡੀ ਆਉਣ ਵਾਲੀ ਹਰ ਲਘੂ ਫ਼ਿਲਮ ਸਮਾਜ ਨੂੰ ਇੱਕ ਸੰਦੇਸ਼ ਦਿੰਦੀ ਹੀ ਹੋਏਗੀ। ਇਸੇ ਕਰਕੇ ਅਸੀਂ ਚੰਗੀਆਂ ਸਮਾਜ-ਸੁਧਾਰਿਕ ਕਹਾਣੀਆਂ ਦੀ ਭਾਲ ਵਿੱਚ ਰਹਿੰਦੇ ਹਾਂ ।