ਮਾਮਲਾ ਸਰਕਾਰੀ ਸਕੂਲਾਂ ਵਿੱਚ ਟੀਚਰਾਂ ਦੀ ਘਾਟ ਦਾ

ਇੱਕ ਰੰਗ ਦੀ ਬਾਲਟੀ ਨਾਲ ਬਣ ਰਹੇ ਨੇ ਸਮਾਰਟ ਸਕੂਲ: ਜਰਨੈਲ ਨੰਗਲ  

ਫਗਵਾੜਾ (ਹਰੀਸ਼ ਭੰਡਾਰੀ)- ਅੱਜ ਇਕ ਵਾਰ ਫਿਰ ਲੋਕ ਇਨਸਾਫ ਪਾਰਟੀ ਦਾ ਇੱਕ ਵਫ਼ਦ ਪਾਰਟੀ ਦੇ ਐਸ ਸੀ ਵਿੰਗ ਦੇ ਸੂਬਾ ਪ੍ਰਧਾਨ ਅਤੇ ਦੋਆਬਾ ਜ਼ੋਨ ਇੰਚਾਰਜ ਜਰਨੈਲ ਨੰਗਲ ਦੀ ਅਗਵਾਈ ਵਿੱਚ ਸਥਾਨਕ ਤਹਿਸੀਲਦਾਰ ਦਫਤਰ ਫਗਵਾੜਾ ਵਿਖੇ ਤਹਿਸੀਲਦਾਰ ਹਰਕ੍ਰਮਪ੍ਰੀਤ ਸਿੰਘ ਨੂੰ ਮਿਲਿਆ ਅਤੇ ਇੱਕ ਮੰਗ ਪੱਤਰ ਮੁੱਖ ਮੰਤਰੀ ਪੰਜਾਬ ਸਿੱਖਿਆ ਮੰਤਰੀ ਪੰਜਾਬ ਸਰਕਾਰ ਐਜੂਕੇਸ਼ਨ ਸੈਕਟਰੀ ਪੰਜਾਬ  ਡਿਪਟੀ ਕਮਿਸ਼ਨਰ ਕਪੂਰਥਲਾ ਜ਼ਿਲ੍ਹਾ ਸਿੱਖਿਆ ਅਫਸਰ ਕਪੂਰਥਲਾ ਏਡੀਸੀ ਫਗਵਾੜਾ ਅਤੇ ਐੱਸਡੀਐੱਮ ਸਾਹਿਬ ਫਗਵਾੜਾ ਦੇ ਨਾਮ ਤੇ ਦਿੱਤਾ, ਬਾਅਦ ਵਿੱਚ ਪ੍ਰੈਸ ਨੂੰ ਸੰਬੋਧਨ ਕਰਦੇ ਹੋਏ ਜਰਨੈਲ ਨੰਗਲ ਨੇ ਕਿਹਾ ਕਿ ਪੰਜਾਬ ਅੰਦਰ ਮੁੱਖ ਮੰਤਰੀ ਵੱਲੋਂ ਵੱਡੇ ਵੱਡੇ ਬੋਰਡ ਲਗਾ ਕੇ ਇਹ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਕਿ ਪੰਜਾਬ ਅੰਦਰ 12976 ਸਮਾਰਟ ਸਕੂਲ ਬਣਾਏ ਗਏ ਹਨ, ਜਿਸ ਤੋਂ ਬਾਅਦ ਅਸੀਂ ਆਪਣੇ ਉਲੀਕੇ ਗਏ ਪ੍ਰੋਗਰਾਮ ਪੋਲ ਖੋਲ ਦੇ ਚੌਥੇ ਦਿਨ ਫਗਵਾੜੇ ਦੇ 20 ਸਕੂਲਾਂ ਵਿਚ ਜਾ ਕੇ ਉੱਥੋਂ ਦੇ ਹਾਲਾਤ ਦੇਖੇ, ਜਿਸ ਸਬੰਧੀ ਅਸੀਂ ਅੱਜ ਮੰਗ ਪੱਤਰ ਦਿੱਤਾ ਹੈ ਉਨ੍ਹਾਂ ਦੱਸਿਆ ਕਿ ਅਸੀਂ ਹੁਣ ਤਕ ਫਗਵਾੜਾ ਦੇ 58 ਸਕੂਲਾਂ ਦਾ ਸਰਵੇ ਕਰ ਚੁੱਕੇ ਹਾਂ ਜਿਸ ਵਿੱਚ ਅੱਜ ਅਸੀਂ ਪਿੰਡ ਨੰਗਲ, ਖੇੜਾ, ਠੱਕਰਕੀ, ਭਾਣੋਕੀ, ਜਗਤਪੁਰ ਜੱਟਾਂ, ਉੱਚਾ ਪਿੰਡ, ਪੰਡਵਾਂ, ਨਿਹਾਲਗਡ਼੍ਹ, ਮੌਲੀ ਜਮਾਲਪੁਰ, ਕੋਟ ਰਾਣੀ ਚਾਚੋਕੀ ਪਿੰਡਾਂ ਦੇ ਸਕੂਲ ਵਿੱਚ ਗਏ ਜਿੱਥੇ ਹਰ ਪਿੰਡ ਵਿੱਚ ਅਧਿਆਪਕਾਂ ਦੀ ਘਾਟ ਸਾਹਮਣੇ ਆਈ ਹੀ ਹੈ ਉਸ ਦੇ ਨਾਲ ਹੀ ਇਕ ਨਵੀਂ ਗੱਲ ਸਾਹਮਣੇ ਆਈ ਕਿ ਸਰਕਾਰ ਵੱਲੋਂ ਚਲਾਏ ਗਏ ਪ੍ਰੀ ਪ੍ਰਾਇਮਰੀ ਸਕੂਲਾਂ ਵਿੱਚ 90%ਸਕੂਲ ਬਿਨਾਂ ਅਧਿਆਪਕ ਦੇ ਹੀ ਚੱਲ ਰਹੇ ਹਨ ਅਤੇ ਪ੍ਰੀ ਪ੍ਰਾਇਮਰੀ ਸਕੂਲ ਦੇ ਬੱਚਿਆਂ ਵਾਸਤੇ ਮਿਡ ਡੇ ਮੀਲ ਜਾਂ ਵਰਦੀਆਂ ਵਾਸਤੇ ਕੋਈ ਵੱਖਰਾ ਬਜਟ ਨਹੀਂ ਹੈ ਅਤੇ ਜੋ ਬਜਟ ਸਰਕਾਰ ਵੱਲੋਂ ਪ੍ਰਾਇਮਰੀ ਸਕੂਲ ਦੇ ਬੱਚਿਆਂ ਵਾਸਤੇ ਪ੍ਰਤੀ ਬੱਚਾ 4 ਰੁਪਏ 97 ਪੈਸੇ ਅਤੇ  ਉਸ ਤੋਂ ਉੱਪਰ ਵਾਲੇ ਬੱਚਿਆਂ ਵਾਸਤੇ  6 ਰੁਪਏ 71 ਪੈਸੇ ਭੇਜੇ ਜਾਂਦੇ ਬਜਟ ਵਿੱਚ ਹੀ ਕੰਮ ਚੱਲ ਰਿਹਾ ਹੈ ਅਤੇ ਇਹ ਰੇਟ ਕਈ ਸਾਲ ਪਹਿਲਾਂ ਦੇ ਨਿਰਧਾਰਤ ਕੀਤੇ ਗਏ ਹਨ ਜਦ ਕਿ ਹੁਣ ਮਹਿੰਗਾਈ ਤਿੰਨ ਗੁਣਾਂ ਵੱਧ ਚੁੱਕੀ ਹੈ ! ਅਸੀਂ ਇਸ ਬਜਟ ਨੂੰ ਵੀ ਮਹਿੰਗਾਈ ਦੇ ਮੁਤਾਬਿਕ ਵਧਾਉਣ ਦੀ ਮੰਗ ਕੀਤੀ ਹੈ ਅਤੇ ਹੈਰਾਨ ਕਰਨ ਵਾਲੀ ਗੱਲ ਇਹ ਵੀ ਹੈ ਕਿ ਪ੍ਰਾਇਮਰੀ ਸਕੂਲ ਵਿਚ ਅੰਗਰੇਜ਼ੀ ਮਾਧਿਅਮ ਵਿੱਚ ਪੜ੍ਹ ਰਹੇ ਬੱਚਿਆਂ ਨੂੰ ਅਜੇ ਤਕ ਅੰਗਰੇਜ਼ੀ ਵਿਸ਼ੇ ਦੀਆਂ ਕਿਤਾਬਾਂ ਹੀ ਨਹੀਂ ਭੇਜੀਆਂ ਗਈਆਂ ਜਦ ਕਿ ਇਸ ਸੈਸ਼ਨ ਦੇ ਪੰਜ ਮਹੀਨੇ ਲੰਘ ਚੁੱਕੇ ਹਨI ਜੇਕਰ ਸਿੱਖਿਆ ਵਿਭਾਗ ਦੀਆਂ ਨਜ਼ਰਾਂ ਵਿੱਚ ਇਹ ਸਮਾਰਟ ਸਕੂਲ ਹਨ ਤਾਂ ਇਹ ਸਮਾਰਟ ਸਕੂਲ ਬੱਚਿਆਂ ਦਾ ਭਵਿੱਖ ਖ਼ਰਾਬ ਕਰਨ ਵਿੱਚ ਅਹਿਮ ਰੋਲ ਅਦਾ ਕਰਨਗੇI ਸਭ ਤੋਂ ਵੱਡੀ ਗੱਲ ਇਹ ਕਿ ਕਿਸੇ ਵੀ ਸਕੂਲ ਵਿੱਚ ਸਫ਼ਾਈ ਸੇਵਕ ਦਾ ਪ੍ਰਬੰਧ ਨਹੀਂ ਹੈI ਉਨ੍ਹਾਂ ਸਰਕਾਰ ਅਤੇ ਸਿੱਖਿਆ ਵਿਭਾਗ ਕੋਲੋਂ ਮੰਗ ਕੀਤੀ ਕਿ ਜਲਦ ਤੋਂ ਜਲਦ ਸਰਕਾਰੀ ਸਕੂਲਾਂ ਵਿੱਚ ਟੀਚਰਾਂ ਦੀ ਘਾਟ ਨੂੰ ਪੂਰਾ ਨਹੀਂ ਤਾਂ ਉਹ ਬੱਚਿਆਂ ਦੇ ਭਵਿੱਖ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਤਿੱਖਾ ਸੰਘਰਸ਼ ਕਰਨਗੇ! ਉਨ੍ਹਾਂ ਇਹ ਵੀ ਕਿਹਾ ਕਿ ਅੱਜ 20 ਸਕੂਲਾਂ ਦੀ ਜਾਣਕਾਰੀ ਮੰਗ ਪੱਤਰ ਰਾਹੀਂ ਲੈ ਕੇ ਆਏ ਹਾਂ ਅਤੇ ਇਕ ਦਿਨ ਛੱਡ ਕੇ ਹੋਰ ਸਕੂਲਾਂ ਦੀ ਜਾਣਕਾਰੀ ਲੈ ਕੇ ਉਹ ਆਉਂਦੇ ਰਹਿਣਗੇ ਅਤੇ ਹੁਣ ਤਕ ਅਸੀਂ 58 ਸਕੂਲਾਂ ਦਾ ਕੱਚਾ ਚਿੱਠਾ ਪ੍ਰਸ਼ਾਸਨ ਅਤੇ ਸਰਕਾਰ ਮੂਹਰੇ ਰੱਖ ਚੁੱਕੇ ਹਾਂ I ਆਉਣ ਵਾਲੇ ਕੁਝ ਹੀ ਦਿਨਾਂ ਦੇ ਵਿੱਚ ਫਗਵਾੜੇ ਦੇ ਸਾਰੇ ਸਕੂਲਾਂ ਦਾ ਹਾਲ ਸਰਕਾਰ ਅਤੇ ਪ੍ਰਸ਼ਾਸਨ ਸਾਹਮਣੇ ਰੱਖਿਆ ਜਾਵੇਗਾ। ਇਸ ਮੌਕੇ ਉਨ੍ਹਾਂ ਨਾਲ ਡਾ ਸੁਖਦੇਵ ਚੌਕੜੀਆ, ਬਲਰਾਜ ਬਾਊ, ਬਲਵੀਰ ਠਾਕੁਰ, ਇੰਦਰਜੀਤ ਸਿੰਘ, ਪਰਮਜੀਤ ਦੁੱਗਾਂ, ਅਵਤਾਰ ਸਿੰਘ ਗੰਢਵਾਂ, ਸ਼ਸ਼ੀ ਬੰਗੜ, ਜਗਦੀਸ਼ ਦੀਸ਼ਾ, ਸਮਰ ਗੁਪਤਾ, ਡਾ ਰਮੇਸ਼, ਰਾਜ ਕੁਮਾਰ, ਪਵਨ, ਬਿੰਦਰ ਪੰਚ, ਸ਼ਾਮ ਸੁੰਦਰ ਅਤੇ ਹੋਰ ਵੀ ਮੌਜੂਦ ਸਨ।