ਮੁੱਖ ਸੇਵਾਦਾਰ ਬਾਬਾ ਦਿਲਬਾਗ ਸ਼ਾਹ ਨੇ ਨੋਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ ਅਤੇ ਸੰਗਤਾਂ ਨੂੰ ਮਾਤਾ ਪਿਤਾ ਦਾ ਸਤਿਕਾਰ ਕਰਨ ਲਈ ਪ੍ਰੇਰਿਆ
ਅਮਰਜੀਤ ਸਿੰਘ ਜੰਡੂ ਸਿੰਘਾ/ਪਤਾਰਾ- ਦਰਬਾਰ ਬਾਬਾ ਇੱਛਾਧਾਰੀ ਪਿੰਡ ਧੋਗੜੀ ਡੇਰਾ ਅਮਿ੍ਰਤਸਰੀਆਂ ਦਾ ਵਿਖੇ ਗੂੱਗਾ ਨੋਵੀਂ ਦਾ ਸਲਾਨਾਂ ਜੋੜ ਮੇਲਾ ਮੁੱਖ ਸੇਵਾਦਾਰ ਬਾਬਾ ਦਿਲਬਾਗ ਸ਼ਾਹ ਦੀ ਵਿਸ਼ੇਸ਼ ਅਗਵਾਹੀ ਵਿੱਚ ਦੇਸ਼ਾਂ ਵਿਦੇਸ਼ਾਂ ਦੀਆਂ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਬਹੁਤ ਉਤਸ਼ਾਹ ਤੇ ਪਿਆਰ ਸਤਿਕਾਰ ਨਾਲ ਮਨਾਇਆ ਗਿਆ। ਇਸ ਮੇਲੇ ਦੇ ਸਬੰਧ ਵਿੱਚ ਪਹਿਲਾ ਝੰਡਾ ਚੜਾਉਣ ਦੀ ਰਸਮ ਸਮੂਹ ਸੰਗਤਾਂ ਅਤੇ ਸੇਵਾਦਾਰਾਂ ਵਲੋਂ ਸਾਂਝੇ ਤੋਰ ਤੇ ਨਿਭਾਈ ਗਈ। ਉਪਰੰਤ ਬਾਬਾ ਇਛਾਧਾਰੀ ਦਰਬਾਰ ਤੇ ਪੂਜਾ ਕੀਤੀ ਗਈ ਅਤੇ ਸੰਗਤਾਂ ਨੂੰ ਭੰਡਾਰੇ ਦਾ ਲੰਗਰ ਛਕਾਇਆ ਗਿਆ। ਇਸ ਜੋੜ ਮੇਲੇ ਦੋਰਾਨ ਪਹਿਲਾ ਸਲੀਮ ਕਵਾਲ ਪਾਰਟੀ ਵਲੋਂ ਕਵਾਲੀਆਂ ਦਾ ਪ੍ਰੋਗਰਾਮ, ਪੰਮੀ ਐਂਡ ਨਕਾਲ ਪਾਰਟੀ ਵਲੋਂ ਨਕਲਾਂ ਦਾ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ।
ਇਸ ਮੌਕੇ ਗਾਇਕ ਪੀ.ਐਸ. ਬਿੱਲਾ, ਅਮਰੀਕ ਸਿੰਘ ਬੱਲ ਐਂਡ ਮਨਦੀਪ ਸੋਨੀਆ ਵਲੋਂ ਬਾਬਾ ਜੀ ਦੀ ਮਹਿਮਾ ਦਾ ਗੁਨਗਾਨ ਕੀਤਾ ਗਿਆ। ਇਹ ਸਾਲਾਨਾਂ ਜੋੜ ਮੇਲੇ ਤੇ ਬਾਬਾ ਦਿਲਬਾਗ ਸ਼ਾਹ ਨੇ ਜਿਥੇ ਨੋਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿ ਕੇ ਰੋਜ਼ੀ ਰੋਟੀ ਲਈ ਕਿਰਤ ਕਰਨ ਦਾ ਸੰਦੇਸ਼ ਦਿੱਤਾ ਉਥੇ ਪੁੱਜੀਆਂ ਸੰਗਤਾਂ ਨੂੰ ਆਪਣੇ ਮਾਪਿਆਂ ਦਾ ਸਤਿਕਾਰ ਅਤੇ ਸੇਵਾ ਕਰਨ ਲਈ ਪ੍ਰੇਰਿਆ। ਸਟੇਜ ਸਕੱਤਰ ਦੀ ਭੂਮਿਕਾ ਬੂਟਾ ਧੋਗੜੀ ਵਲੋਂ ਬਾਖੂਬੀ ਨਿਭਾਈ ਗਈ। ਇਸ ਮੌਕੇ ਸਾਂਈ ਗੁਰਮੇਲ ਸ਼ਾਹ ਧੋਗੜੀ, ਸਾਂਈ ਰਾਣਾ ਬੇਰੀ ਵਾਲੀ ਸਰਕਾਰ, ਬਾਬਾ ਤਾਰੂ ਸ਼ਾਹ ਤੱਲਣ, ਪਿਆਰਾ ਲਾਲ ਨੂਰਪੁਰ, ਗੁਰਮੁੱਖ ਸਿੰਘ ਪੰਚ, ਪ੍ਰਧਾਨ ਰੂਪ ਲਾਲ, ਰਮਨ, ਬਿੱਟੂ, ਮਹਿੰਦਰ ਸਿੰਘ, ਰੋਸ਼ਨ ਲਾਲ, ਗੁਰਦੇਵ ਸਿੰਘ, ਨੰਦ ਲਾਲ ਸਮਾਜ ਸੇਵਕ, ਪਾਲੀ, ਸ਼ਿੰਦੀ, ਅਸ਼ੋਕਾ, ਰਾਜਾ ਅਲਾਵਲਪੁਰ, ਦੀਸ਼ਾ, ਮਨਿੰਦਰ, ਮਨਜੀਤ ਕੌਰ, ਜੋਤੀ ਅਤੇ ਹੋਰ ਸੇਵਾਦਾਰ ਵੀ ਵਿਸ਼ੇਸ਼ ਤੋਰ ਜੋੜ ਮੇਲੇ ਵਿੱਚ ਪੁੱਜੇ।
 |
No comments:
Post a Comment