ਮਿੱਠੀ ਤੇ ਸੁਰੀਲੀ ਅਵਾਜ਼ ਦੀ ਮਲਿਕਾ ਮਿਸ ਸ਼ਾਮਾ ਪਾਠਕ ਲੈਕੇ ਹਾਜ਼ਰ ਹੈ, ‘ਤੂ ਸਮਰੱਥ ਵਡਾ’

ਚੰਡੀਗੜ (ਪ੍ਰੀਤਮ ਲੁਧਿਆਣਵੀ), 28 ਜੁਲਾਈ, 2021 : ਮਿੱਠੀ ਤੇ ਸੁਰੀਲੀ ਅਵਾਜ਼ ਦੀ ਮਲਿਕਾ ਮਿਸ ਸ਼ਾਮਾ ਆਪਣੇ ਸਿੰਗਲ ਟਰੈਕ ਸ਼ਬਦ, ‘ਤੂ ਸਮਰੱਥ ਵਡਾ’  ਨਾਲ ਕਲਾ-ਪ੍ਰੇਮੀਆਂ ਦੇ ਕਟਹਿਰੇ ਵਿਚ ਰੂ-ਬ-ਰੂ ਹੋਈ ਹੈ। ਸਿੰਘ ਰਿਕਾਰਡਜ ਦੀ ਪੇਸ਼ਕਸ਼ ਇਸ ਸ਼ਬਦ ਨੂੰ ਮਨਮੋਹਕ ਸੰਗੀਤਕ ਛੋਹਾਂ ਦਿੱਤੀਆਂ ਹਨ ਸੰਗੀਤਕਾਰ ਅਨੁਰਾਗ ਸ਼ਰਮਾ ਤੇ ਸਤਨਾਮ ਸਿੰਘ ਸੱਤਾ ਨੇ।  ਇਸ ਦੇ ਪ੍ਰੋਡਿਊਸਰ ਹਨ ਸਿਮਰਨਜੀਤ ਸਿੰਘ ਜੀ ਤੇ ਇਸਦਾ ਪੋਸਟਰ ਡੀਜ਼ਾਇਨ ਕੀਤਾ ਹੈ, ਟਰੈਂਡੀ ਮੀਡੀਆ ਨੇ। ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਗਾਇਕਾ ਮਿਸ ਸ਼ਾਮਾ ਪਾਠਕ ਨੇ ਦੱਸਿਆ ਕਿ ਇਸ ਪ੍ਰੋਜੈਕਟ ਨੂੰ ਨੇਪਰੇ ਚਾੜਨ ਲਈ ਉਨਾਂ ਦੀ ਪੂਰੀ ਟੀਮ ਨੂੰ ਦਿਨ ਰਾਤ ਇਕ ਕਰਨਾ ਪਿਆ ਹੈ।  ਟੀਮ ਨੂੰ ਪੂਰਨ ਉਮੀਦਾਂ ਹਨ ਕਿ ਇਸ ਸ਼ਬਦ ਨੂੰ ਕਲਾ-ਪ੍ਰੇਮੀ ਜਰੂਰ ਭਰਵਾਂ ਹੁੰਗਾਰਾ ਦੇਕੇ ਮੋਹ ਤੇ ਪਿਆਰ ਬਖਸ਼ਣਗੇ। ਉਨਾਂ ਵੱਲੋਂ ਦਿੱਤੇ ਗਏ ਉਤਸ਼ਾਹ ਦੇ ਪਰਾਂ ਉਤੇ ਉਡਾਰੀਆਂ ਮਾਰਦਿਆਂ ਟੀਮ ਨੂੰ ਅੱਗੇ ਵੱਲ ਕਦਮ ਵਧਾਉਣ ਲਈ ਹੁਲਾਰਾ ਮਿਲੇਗਾ।