ਆਦਮਪੁਰ/ਜਲੰਧਰ (ਖ਼ਬਰਸਾਰ ਪੰਜਾਬ ਬਿਓਰੋ)- ਗੁਰੂ ਰਵਿਦਾਸ ਟਾਈਗਰ ਫੋਰਸ ਯੂਨਿਟ ਜਲੰਧਰ ਦੇ ਪ੍ਰਧਾਨ ਰਵੀ ਚੁੰਬਰ ਤੇ ਸਾਥੀ ਮੈਂਬਰਾਂ ਨੇ ਆਦਮਪੁਰ ਤੋਂ ਗੜਸ਼ੰਕਰ ਤੱਕ ਬਨਣ ਵਾਲੀ ਫੋਰ ਲੇਨ ਸੜਕ ਦਾ ਨਾਮ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਨਾਮ ਤੇ ਰੱਖਣ ਲਈ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦਾ ਕੋਟਿਨ-ਕੋਟਿ ਧੰਨਵਾਦ ਕੀਤਾ ਹੈ। ਰਵੀ ਚੁੰਬਰ ਨੇ ਦਸਿਆ ਕਿ ਇਸ ਕਾਰਜ ਸਬੰਧੀ ਉਨ੍ਹਾਂ ਦੀ ਸੰਸਥਾ ਵਲੋਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਨੂੰ ਆਦਮਪੁਰ ਏਅਰਪੋਰਟ ਦਾ ਨਾਮ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਨਾਮ ਤੇ ਰੱਖਣ ਸਬੰਧੀ ਇੱਕ ਮੰਗ ਪੱਤਰ ਦਿੱਤਾ ਗਿਆ ਸੀ ਜਿਸਦੇ ਸਬੰਧ ਵਿੱਚ ਉਨ੍ਹਾਂ ਸੰਸਥਾ ਦੇ ਮੈਂਬਰਾਂ ਨੂੰ ਮੁੱਖ ਮੰਤਰੀ ਪੰਜਾਬ ਚਰਨਜੀਤ ਸਿੰਘ ਚੰਨੀ ਵਲੋਂ ਯਕੀਨ ਦਿਵਾਇਆ ਗਿਆ ਕਿ ਜਲਦ ਹੀ ਕੇਂਦਰ ਸਰਕਾਰ ਨਾਲ ਗੱਲਬਾਤ ਕਰਕੇ ਆਦਮਪੁਰ ਏਅਰਪੋਰਟ ਦਾ ਨਾਮ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਨਾਮ ਤੇ ਜਲਦੀ ਹੀ ਰੱਖਿਆ ਜਾਵੇਗਾ ਅਤੇ ਉਨ੍ਹਾਂ ਵਲੋਂ ਆਦਮਪੁਰ ਤੋ ਗੜਸ਼ੰਕਰ ਤੱਕ ਬਨਣ ਵਾਲੀ ਫੋਰ ਲੇਨ ਸੜਕ ਦਾ ਨਾਮ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਨਾਮ ਤੇ ਰੱਖਣ ਲਈ ਮੁੱਖ ਮੰਤਰੀ ਸਾਹਿਬ ਅਤੇ ਇਲਾਕੇ ਦੇ ਸੀਨੀਅਰ ਕਾਂਗਰਸੀ ਆਗੂਆਂ ਦਾ ਧੰਨਵਾਦ ਕੀਤਾ ਹੈ। ਰਵੀ ਚੁੰਬਰ ਨੇ ਦਸਿਆ ਕਿ ਏਸੇ ਖੁਸ਼ੀ ਵਿੱਚ ਸ਼੍ਰੀ ਗੁਰੂ ਰਵਿਦਾਸ ਟਾਇਗਰ ਫੋਰਸ ਦਫ਼ਤਰ ਆਦਮਪੁਰ ਵਿੱਚ ਮੁੱਖ ਮੰਤਰੀ ਸਾਹਿਬ ਨੂੰ ਸ਼੍ਰੀ ਗੁਰੂ ਰਵਿਦਾਸ ਮਹਾਰਾਜ ਜੀ ਦੇ ਸਰੂਪ ਦੀ ਤਸਵੀਰ ਦੇ ਕੇ ਉਨ੍ਹਾਂ ਦਾ ਸਨਮਾਨ ਵੀ ਕੀਤਾ ਗਿਆ। ਇਸ ਮੌਕੇ ਗੁਰੂ ਰਵਿਦਾਸ ਟਾਈਗਰ ਫੌਰਸ ਜਿਲਾ ਪ੍ਰਧਾਨ ਰਵੀ ਚੁੰਬਰ ਆਦਮਪੁਰ, ਆਦਮਪੁਰ ਪ੍ਰਧਾਨ ਤਨੀ ਡਰੌਲੀ, ਆਦਮਪੁਰ ਵਾਈਸ ਪ੍ਰਧਾਨ ਰਵੀ ਵਾਲੀਆ, ਆਦਮਪੁਰ ਇੰਚਾਰਜ ਮਨਜਿੰਦਰ ਕਪੂਰ ਪਿੰਡ, ਸ਼ਹਿਰੀ ਪ੍ਰਧਾਨ ਬੱਬੀ ਬੰਗਾ, ਲੰਬੜ ਲਾਦੜਾਂ, ਰਿੰਕੂ ਵੀਰ, ਰਮਨ ਪੁਆਰ, ਰਾਜਨੀਰ ਬਡਿਆਲ, ਰਣਵੀਰ ਜੰਜੂਆ, ਸੁਰੇਸ ਡਮੁੰਡਾ ਤੇ ਹੌਰ ਸਾਥੀ ਹਾਜ਼ਰ ਸਨ।
No comments:
Post a Comment