ਆਪਣੀ ਨਵੀ ਪੁਸਤਕ ‘ਬਿਰਹਾ ਅਤੇ ਪ੍ਰੇਮ-ਭਾਵ ਦਾ ਸਰਗੁਣ ਸਰੂਪ: ਮੀਰਾਂ ਬਾਈ' ਦਾ ਅੰਗ੍ਰੇਜੀ ਅਨੁਵਾਦ ਲੈਕੇ ਹਾਜ਼ਰ ਹੈ : ਡਾ. ਬਲਬੀਰ ਮੰਨਣ

 

         

ਪੰਜਾਬੀ ਸਾਹਿਤ ਜਗਤ ਵਿਚ ਡਾ. ਬਲਬੀਰ ਮੰਨਣ ਕਿਸੇ ਜਾਣ-ਪਛਾਣ ਦਾ ਮੁਥਾਜ ਨਹੀਂ। ਇਹ ਵਿਦਵਾਨ, ਸੂਝਵਾਨ ਤੇ ਦੂਰਦਰਸ਼ੀ ਸਖਸ਼ੀਅਤ ਹੁਣ ਤੱਕ, ‘ਜੋਗਾ ਸਿੰਘ ਬਿਰਦੀ ਦਾ ਰਚਨਾ-ਸੰਸਾਰ' (ਸੰਪਾਦਤ ਅਤੇ ਅਨੁਵਾਦਤ), ‘ਬਿਰਹਾ ਅਤੇ ਪ੍ਰੇਮ-ਭਾਵ ਦਾ ਸਰਗੁਣ ਸਰੂਪ: ਮੀਰਾਂ ਬਾਈ', ‘ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ : ਤਤਕਾਲੀ ਜੀਵਨ ਝਲਕ ਅਤੇ ਵਾਤਾਵਰਨ ਚੇਤਨਾ' (ਸਲੋਕ ਬਾਣੀ ਵਿਸ਼ੇਸ਼ ਸੰਦਰਭ) ਅਤੇ ‘ਪ੍ਰੇਮ ਗੁਲਦਸਤਾ' ਆਦਿ ਪੁਸਤਕਾਂ ਪੰਜਾਬੀ ਮਾਂ-ਬੋਲੀ ਦੀ ਝੋਲ਼ੀ ਪਾਕੇ ਸੁਹਣਾ ਸਿਰਨਾਵਾਂ ਸਿਰਜ ਚੁੱਕੀ ਹੈ, ਆਪਣਾ।

          ਡਾ. ਬਲਬੀਰ ਮੰਨਣ ਜੀ ਹੁਣ ਲੈਕੇ ਹਾਜ਼ਰ ਹੋਏ ਹਨ, ‘ਬਿਰਹਾ ਅਤੇ ਪ੍ਰੇਮ-ਭਾਵ ਦਾ ਸਰਗੁਣ ਸਰੂਪ: ਮੀਰਾਂ ਬਾਈ' ਜੀ ਦਾ ਅੰਗ੍ਰੇਜੀ ਅਨੁਵਾਦ। ਡਾ. ਮੰਨਣ ਜੀ ਨੇ ਮੁਲਾਕਾਤ ਦੌਰਾਨ ਦੱਸਿਆ ਕਿ ਉਨਾਂ ਦੀ ਪੰਜਾਬੀ ਭਾਸਾ ਵਿੱਚ ਲਿਖੀ ਪੁਸਤਕ ਦਾ ਅੰਗਰੇਜੀ ਵਿੱਚ ਸ੍ਰੀ ਪਿਆਰੇ ਲਾਲ, ਸਾਬਕਾ ਆਈ. ਐੱਫ. ਐੱਸ. ਅਧਿਕਾਰੀ (ਇੰਡੀਅਨ ਫਾੱਰੈਸਟ ਸਰਵਿਸ) ਜੀ ਨੇ ਅਨੁਵਾਦ ਕੀਤਾ ਹੈ। ਜਿਹੜੀ ਕਿ ਬ੍ਰਹਮਲੀਨ ਸ੍ਰੀ 108 ਸੰਤ ਗਰੀਬ ਦਾਸ ਮਹਾਰਾਜ ਜੀ ਦੇ ਬਰਸੀ ਸਮਾਗਮ ਮੌਕੇ ਮਿਤੀ 23.07.2021 ਨੂੰ ਡੇਰਾ ਸੱਚਖੰਡ ਬੱਲਾਂ ਦੇ ਮੌਜੂਦਾ ਗੱਦੀਨਸ਼ੀਨ ਸ੍ਰੀ 108 ਸੰਤ ਨਿਰੰਜਨ ਦਾਸ ਮਹਾਰਾਜ ਜੀ ਵੱਲੋਂ ਆਪਣੇ ਕਰ-ਕਮਲਾਂ ਨਾਲ ਰਿਲੀਜ ਕੀਤੀ ਗਈ।

          ਅਨੇਕਾਂ ਸਟੇਜਾਂ ਤੋਂ ਸਨਮਾਨੇ-ਸਤਿਕਾਰੇ ਜਾ ਚੁੱਕੇ ਨਿਮਰਤਾ, ਸ਼ਹਿਨਸ਼ੀਲਤਾ ਤੇ ਸਾਦਗੀ ਦੀ ਮੂਰਤ ਡਾ. ਮੰਨਣ ਜੀ ਜਿੱਥੇ ਇਕ ਪਾਸੇ  ਸਰਕਾਰੀ ਪ੍ਰਾਇਮਰੀ ਸਕੂਲ ਕੰਧਾਲਾ ਗੁਰੂ, ਬਲਾਕ ਭੋਗਪੁਰ, ਜਲੰਧਰ ਵਿਖੇ ਬਤੌਰ ਹੈੱਡ ਟੀਚਰ ਸੇਵਾ ਨਿਭਾਉਂਦਿਆਂ ਵਿਦਿਆ ਦਾ ਚਾਨਣ ਫੈਲਾਉਣ ਦਾ ਅਹਿਮ ਕਾਰਜ ਕਰਨ ਵਿਚ ਪੂਰੀ ਲਗਨ ਤੇ ਮਿਹਨਤ ਨਾਲ ਸੰਘਰਸ਼ਸ਼ੀਲ ਹਨ, ਉਥੇ ਉਹ ਆਪਣੇ ਬਚਦੇ ਪਲਾਂ ਦੌਰਾਨ ਪੰਜਾਬੀ ਮਾਂ-ਬੋਲੀ ਨੂੰ ਹਰ ਪਲ, ਹਰ ਘੜੀ ਸਮਰਪਿਤ ਰਹਿੰਦੇ ਹਨ।  ਆਪਣੇ ਮਹਿਕਮੇ ਸਿੱਖਿਆ ਵਿਭਾਗ, ਆਪਣੇ ਸੂਬੇ ਪੰਜਾਬ ਅਤੇ ਆਪਣੇ ਖਾਨਦਾਨ ਦਾ ਸਿਰ ਉਚਾ ਕਰ ਰਹੇ ਡਾ. ਮੰਨਣ ਜੀ ਦੀਆਂ ਅਣਥੱਕ ਤੇ ਸਲਾਹੁਣ ਯੋਗ ਸੇਵਾਵਾਂ ਉਤੇ ਜਿੰਨਾ ਮਾਣ ਕੀਤਾ ਜਾਏ ਥੋੜਾ ਹੈ। ਰੱਬ ਕਰੇ ਸਾਹਿਤ, ਸਮਾਜ ਤੇ ਸੱਭਿਆਚਾਰ ਲਈ ਰਾਹ-ਦਸੇਰਾ ਬਣੀ ਇਹ ਕਲਮ ਇਸੇ ਤਰਾਂ ਪੰਜਾਬੀ ਤੇ ਪੰਜਾਬੀਅਤ ਦੇ ਝੰਡੇ ਗੱਡਦੀ ਵਿਸ਼ਵ ਭਰ ਵਿਚ ਛਾੱਈ ਰਵੇ  ! ਸਾਡੀਆਂ ਢੇਰ ਸਾਰੀਆਂ ਦੁਆਵਾਂ ਤੇ ਸ਼ੁਭ ਕਾਮਨਾਵਾਂ ਨਾਲ ਹਨ ਡਾ. ਬਲਬੀਰ ਮੰਨਣ ਜੀ ਵਰਗੀਆਂ ਤਪੱਸਵੀ ਕਲਮਾਂ ਲਈ।

          -ਪ੍ਰੀਤਮ ਲੁਧਿਆਣਵੀ (ਚੰਡੀਗੜ), 9876428641

ਸੰਪਰਕ : ਡਾ. ਬਲਬੀਰ ਮੰਨਣ, 9417345485