ਨਹੀ ਰਹੇ ਕਹਾਣੀ-ਜਗਤ ਦੇ ਬਾਬਾ ਬੋਹੜ, ਸਾਡੇ ਪ੍ਰੇਮ ਗੋਰਖੀ ਜੀ

ਚੰਡੀਗੜ੍ਹ (ਪ੍ਰੀਤਮ ਲੁਧਿਆਣਵੀ), 26 ਅਪ੍ਰੈਲ, 2021 : ਅਜੀਤ ਤੇ ਪੰਜਾਬੀ ਟ੍ਰਿਬਿਊਨ ਵਿਚ ਕੰਮ ਕਰ ਚੁੱਕੇ, ਸੰਸਾਰ ਪ੍ਰਸਿੱਧੀ ਪ੍ਰਾਪਤ ਕਹਾਣੀਕਾਰ, ਅਨੇਕਾਂ ਸੰਸਥਾਵਾਂ ਦੇ ਅਹੁੱਦੇਦਾਰ, ਹਰੇਕ ਨੂੰ ਆਪਣਾ ਜਾਪਣ ਵਾਲੇ ਨੇਕ ਦਿਲ ਇਨਸਾਨ ਸ. ਪ੍ਰੇਮ ਗੋਰਖੀ ਜੀ (74) 25 ਅਪ੍ਰੈਲ ਦੁਪਹਿਰ 1 ਵਜੇ ਸੈਕਟਰ-32 ਦੇ ਹਸਪਤਾਲ ਵਿਚ 15 ਮਿੰਟ ਦਾਖਲ ਰਹਿਣ ਪਿੱਛੋਂ ਸਾਨੂੰ ਸਭਨਾਂ ਨੂੰ ਸਦੀਵੀ ਵਿਛੋੜਾ ਦੇ ਗਏ।  ਗੋਰਖੀ ਜੀ ਆਪਣੇ ਪਿੱਛੇ ਧਰਮ-ਪਤਨੀ ਬੀਬੀ ਗੁਰਦੀਪ ਕੌਰ, ਬੇਟਾ ਗਗਨਪ੍ਰੀਤ, ਨੂੰਹ ਰਾਣੀ ਸ਼ੈਲੀ ਤੋਂ ਇਲਾਵਾ ਤਿੰਨ ਲਾਡਲੀਆਂ ਧੀਆਂ ਨਵਰੂਪ ਕੌਰ ਰੂਪ (6280955532), ਨਿਰਪਾਲ ਕੌਰ ਅਤੇ ਸੋਨਿਕਾ ਸਿੰਘ ਨੂੰ ਰੋਂਦੇ-ਕੁਰਲਾਂਉਂਦੇ ਛੱਡ ਗਏ ਸਨ। ਜ਼ਿਕਰ ਯੋਗ ਹੈ ਕਿ ਗੋਰਖੀ ਜੀ ਸ਼੍ਰੋਮਣੀ ਪੰਜਾਬੀ ਲਿਖਾਰੀ ਸਭਾ ਪੰਜਾਬ (ਰਜਿ:) ਦੇ ਸਰਪ੍ਰਸਤ ਹੋਣ ਕਰਕੇ ਸੰਸਥਾ ਨਾਲ ਉਨ੍ਹਾਂ ਦੀ 1985 ਤੋਂ ਸਾਂਝ ਚਲੀ ਆ ਰਹੀ ਸੀ।  ਉਨ੍ਹਾਂ ਦੀ ਰਹਿਨੁਮਾਈ ਹੇਠ ਸੰਸਥਾ ਨੇ ਜਿੱਥੇ ਹਜ਼ਾਰਾਂ ਕਲਮਾਂ, ਸੁਰਾਂ ਅਤੇ ਅਵਾਜ਼ਾਂ ਨੂੰ ਸਟੇਜੀ ਮੌਕੇ ਪ੍ਰਦਾਨ ਕੀਤੇ, ਉਥੇ ਕ੍ਰਮਵਾਰ 175 ਅਤੇ 906 ਕਲਾ-ਪ੍ਰੇਮੀਆਂ ਦੀਆਂ ਦੋ ਟੈਲੀਫੂਨ ਡਾਇਰੈਕਟਰੀਆਂ ਅਤੇ ਅੱਠ ਸਾਂਝੇ ਕਾਵਿ-ਸੰਗ੍ਰਹਿ ਵੀ ਸਾਹਿਤ ਦੀ ਝੋਲੀ ਪਾਏ।  

ਸ਼੍ਰੋਮਣੀ ਪੰਜਾਬੀ ਲਿਖਾਰੀ ਸਭਾ ਪੰਜਾਬ (ਰਜਿ:) ਦੇ ਪ੍ਰਧਾਨ ਸ੍ਰ. ਲਾਲ ਸਿੰਘ ਲਾਲੀ ਜੀ ਦੀ ਪ੍ਰਧਾਨਗੀ ਹੇਠ ਸੰਸਥਾ ਦੀ ਓਨ-ਲਾਈਨ ਸ਼ੋਕ ਇਕੱਤਰਤਾ ਹੋਈ। ਜਿਸ ਵਿਚ ਦੋ ਮਿੰਟ ਦਾ ਮੋਨ ਧਾਰਨ ਕਰਦਿਆਂ ਵਿਛੜੀ ਰੂਹ ਨੂੰ ਸੇਜਲ ਅੱਖਾਂ ਨਾਲ਼ ਸ਼ਰਧਾਂਜਲੀਆਂ ਭੇਂਟ ਕੀਤੀਆਂ ਗਈਆਂ। ਉਨ੍ਹਾਂ ਨੂੰ ਆਪਣੇ ਚਰਨਾਂ ’ਚ ਥਾਂ ਦੇਣ ਅਤੇ ਪਿੱਛੇ ਉਨ੍ਹਾਂ ਦੇ ਦੁਖੀ ਸਮੁੱਚੇ ਪਰਿਵਾਰ ਨੂੰ ਇਹ ਅਸਹਿ ਸਦਮਾ ਸਹਿਣ ਦਾ ਬਲ ਬਖ਼ਸ਼ਣ ਲਈ ਅਕਾਲ-ਪੁਰਖ ਅੱਗੇ ਦੁਆਵਾਂ ਕੀਤੀਆਂ ਗਈਆਂ।

  ਇਸ ਸ਼ੋਕ-ਇਕੱਤਰਤਾ ਵਿਚ ਗੁਲਜ਼ਾਰ ਸਿੰਘ ਗੁਰੂ (ਸਾਬਕਾ ਮੰਤਰੀ ਪੰਜਾਬ), ਊਸ਼ਾ ਆਰ ਸ਼ਰਮਾ (ਆਈ. ਏ. ਐਸ. ਸੇਵਾ-ਮੁਕਤ),  ਲਛਮਣ ਸਿੰਘ ਮੇਹੋ, ਲਾਲ ਸਿੰਘ ਲਾਲੀ, ਬਲਵੰਤ ਸੱਲ੍ਹਣ, ਪ੍ਰੀਤਮ ਲੁਧਿਆਣਵੀ, ਪਿਆਰਾ ਸਿੰਘ ਰਾਹੀ, ਸ਼ਮਸ਼ੇਰ ਸਿੰਘ ਪਾਲ, ਕਰਿਸ਼ਨ ਰਾਹੀ, ਪ੍ਰਿੰ. ਬਲਬੀਰ ਛਿੱਬੜ, ਜਸਪਾਲ ਕੰਵਲ, ਨਸੀਬ ਸਿੰਘ ਸੇਵਕ, 

ਥੰਮਣ ਸਿੰਘ ਸੈਣੀ, ਅਮਰ ਵਿਰਦੀ, ਕੁਲਵਿੰਦਰ ਕੌਰ ਮਹਿਕ, ਸੁਖਦੇਵ ਕੌਰ ਚਮਕ, ਵਰਿੰਦਰ ਕੌਰ ਰੰਧਾਵਾ, ਅਮਰਜੀਤ ਸਿੰਘ ਭਾਟੀਆ (ਦਲੇਰ ਖਾਲਸਾ), ਗੁਰਵਿੰਦਰ ਗੁਰੀ, ਮਹਿੰਗਾ ਸਿੰਘ ਕਲਸੀ, ਪ੍ਰੀਤਮ ਸਿੰਘ ਰਾਠੀ, ਸਿਕੰਦਰ ਰਾਮਪੁਰੀ, ਤੇ ਕਰਿਸ਼ਨ ਭੱਟੀ ਆਦਿ ਬੁਲਾਰਿਆਂ ਨੇ ਮ੍ਰਿਤਕ ਰੂਹ ਦੀਆਂ ਸਾਹਿਤ ਪ੍ਰਤੀ ਵੱਡਮੁੱਲੀਆਂ ਸੇਵਾਵਾਂ ਅਤੇ ਉਨ੍ਹਾਂ ਨਾਲ ਆਪੋ-ਆਪਣੀਆਂ ਨਿੱਜੀ ਸਾਂਝਾਂ ਦੀ ਗੱਲ ਕੀਤੀ। ਇਨ੍ਹਾਂ ਤੋਂ ਇਲਾਵਾ ਮੇਜਰ ਸਿੰਘ ਇਸੜੂ, ਸ਼ਿਵ ਸਿੰਘ ਬੱਲੀ, ਮੰਗਲ ਸਿੰਘ ਧਿਆਨਪੁਰ, ਮਨਦੀਪ ਕੌਰ ਪ੍ਰੀਤ ਮੁਕੇਰੀਆਂ, ਗਾਇਕਾ ਪਰਮਜੀਤ ਕੌਰ ਧੰਜਲ, ਸੰਦੀਪ ਕੌਰ ਧੰਜਲ, ਜਰਨੈਲ ਹਸਨਪੁਰੀ, ਹਰਬੰਸ ਲਹਿੰਬਰ, ਅਮਰੀਕ ਚੰਡੀਗੜ੍ਹੀਆ, ਸੁਖਵਿੰਦਰ ਨੂਰਪੁਰੀ, ਬਹਾਦਰ ਸਿੰਘ ਗੋਸਲ, ਅਹੀਰ ਹੁਸ਼ਿਆਰਪੁਰੀ, ਫਤਹਿ ਸਿੰਘ ਬਾਗੜੀ, ਸੁਖਚਰਨ ਸਾਹੋਕੇ, ਕਸ਼ਮੀਰ ਘੇਸਲ, ਆਰ. ਕੇ. ਸਾਹੋਵਾਲੀਆ, ਪੰਨਾ ਲਾਲ ਮੁਸਤਫਾਬਾਦੀ, ਸੁਦਾਗਰ ਮੁੰਡੀ ਖੈੜ, ਵਰਿਆਮ ਬਟਾਲਵੀ, ਪਲਵਿੰਦਰਜੀਤ ਪਾਲੀ, ਸੰਨੀ ਊਨੇ ਵਾਲਾ, ਸੱਤਪਾਲ ਲਖੋਤਰਾ, ਨਵਪ੍ਰੀਤ ਕੌਰ ਸੰਧੂ, ਬਾਵਾ ਬੱਲੀ, ਰਾਜੂ ਨਾਹਰ, ਬਲਵੰਤ ਸਿੰਘ ਮੁਸਾਫ਼ਿਰ, ਲਛਮਣ ਦਾਸ ਜਖੇਪਲੀਆ, ਸੁੱਖੀ ਫਾਂਟਵਾਂ, ਛੀਨਾ ਬੇਗਮ ਸੋਹਣੀ, ਤ੍ਰਿਪਤਾ ਬਰਮੌਤਾ, ਮੀਨੂੰ ਸੁਖਮਨ, ਭਿੰਦਰ ਭਾਗੋ ਮਾਜਰੀਆ, ਜਗਜੀਤ ਮੁਕਤਸਰੀ, ਜਸਪ੍ਰੀਤ ਕੌਰ ਮੁਕਤਸਰੀ, ਅਮਨਦੀਪ ਕੌਰ ਜਲੰਧਰੀ, ਅਸ਼ੋਕ ਟਾਂਡੀ, ਬਲਵਿੰਦਰ ਕੌਰ ਲਗਾਣਾ, ਸਿਮਰਨਜੀਤ ਜੁਤਲਾ ਤੇ ਗੁਰੀ ਹੰਟ ਆਦਿ ਪੰਜਾਬ ਦੇ ਅੱਡ-ਅੱਡ ਥਾਵਾਂ ਤੋਂ ਕਲਮਾਂ ਤੇ ਅਵਾਜ਼ਾਂ ਸ਼ਾਮਲ ਹੋਈਆਂ : ਜਦਕਿ ਰਵੀ ਮਾਨ, ਨਸੀਬ ਸਿੰਘ ਨਸੀਬ, ਜਸਵੰਤ ਵਾਗਲਾ ਤੇ ਸੁਰਿੰਦਰ ਜੱਕੋਪੁਰੀ ਆਦਿ ਸਾਹਿਤਕਾਰ ਸਾਥੀਆਂ ਨੇ ਵਿਦੇਸ਼ਾਂ ਤੋਂ ਭਾਗ ਲਿਆ। ਸਭਨਾਂ ਵਲੋਂ ਦੁਖੀ-ਪਰਿਵਾਰ ਲਈ ਸ਼ੋਕ-ਸੁਨੇਹੇ ਭੇਜੇ ਗਏ।  ਗੋਰਖੀ ਜੀ ਦੇ ਤੁਰ ਜਾਣ ਨਾਲ ਜਿੱਥੇ ਉਨ੍ਹਾਂ ਦੇ ਪਰਿਵਾਰ ਨੂੰ ਨਾ ਪੂਰੇ ਜਾਣ ਵਾਲਾ ਘਾਟਾ ਪੈ ਗਿਆ ਹੈ, ਉਥੇ ਸ਼੍ਰੋਮਣੀ ਪੰਜਾਬੀ ਲਿਖਾਰੀ ਸਭਾ ਪੰਜਾਬ (ਰਜਿ:) ਨੂੰ ਵੀ ਇਕ ਰਹਿਨੁਮਾ ਦੇ ਤੁਰ ਜਾਣ ਨਾਲ ਬਹੁਤ ਧੱਕਾ ਲੱਗਾ ਹੈ।