ਚੰਡੀਗੜ੍ਹ (ਪ੍ਰੀਤਮ ਲੁਧਿਆਣਵੀ) 09 ਅਪ੍ਰੈਲ- ਟਰੈਕ ਐਂਡ ਟਰੂ ਲਾਡੀ ਭੁੱਲਰ ਕੰਪਨੀ ਦੁਆਰਾ ਨਾਮਵਰ ਗਾਇਕ ਬੀ. ਬਲਵੀਰ ਦਾ ਸਿੰਗਲ ਟਰੈਕ ‘ਕੇਸ’ ਬੜੀ ਸ਼ਾਨੋ-ਸ਼ੌਕਤ ਨਾਲ ਰਿਲੀਜ਼ ਕੀਤਾ ਗਿਆ। ਇਸ ਗੀਤ ਦੇ ਬੋਲ ਲਿਖੇ ਹਨ ਜਾਣੇ-ਪਛਾਣੇ ਨੌਜਵਾਨ ਗੀਤਕਾਰ ਗੁਰਿੰਦਰ ਚੱਕਲਾਂ ਨੇ। ਇਸ ਨੂੰ ਸੰਗੀਤਕ ਛੋਹਾਂ ਦਿੱਤੀਆਂ ਹਨ ਸੰਗੀਤਕਾਰ ਸਨੀ ਸ਼ਰਮਾ ਨੇ।
ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਗਾਇਕ ਬੀ. ਬਲਵੀਰ ਨੇ ਦੱਸਿਆ ਕਿ ਉਨ੍ਹਾਂ ਦਾ ਅਗਲਾ ਧਾਰਮਿਕ ਗੀਤ, ‘ਗੁਰੂ ਦਾ ਖਾਲਸਾ’ ਵਿਸਾਖੀ ਦੇ ਸ਼ੁੱਭ ਦਿਹਾੜੇ ਤੇ ਆ ਰਿਹਾ ਹੈ। ਬੀ. ਬਲਵੀਰ ਨੇ ਆਸ ਪ੍ਰਗਟਾਈ ਕਿ ਜਿੰਨੀ ਰੂਹ ਨਾਲ ਪੂਰੀ ਟੀਮ ਨੇ ਮਿਹਨਤ ਕਰਕੇ ਇਹ ਗੀਤ ਨੇਪਰੇ ਚਾੜ੍ਹਿਆ ਹੈ, ਉਨ੍ਹਾਂ ਨੂੰ ਪੂਰਨ ਆਸਾਂ-ਉਮੀਦਾਂ ਹਨ ਕਿ ਉਨ੍ਹਾਂ ਦੇ ਪਹਿਲੇ ਗੀਤ, ‘ਦੇਸੀ’ ਦੀ ਤਰਾਂ ਸਰੋਤੇ ‘ਕੇਸ’ ਅਤੇ ‘ਗੁਰੂ ਦਾ ਖਾਲਸਾ’ ਗੀਤ ਨੂੰ ਵੀ ਕਬੂਲ ਕਰਦੇ ਹੋਏ ਖ਼ੂਬ ਭਰਵਾਂ ਹੁੰਗਾਰਾ ਦੇਣਗੇ।
ਵਿਸ਼ੇਸ਼ ਜਿਕਰ ਯੋਗ ਹੈ ਕਿ ਇਹ ਨੌਜਵਾਨ ਬੀ. ਬਲਵੀਰ ਸੰਨ 2002 ਤੋਂ ਫੌਜ ਵਿੱਚ ਭਰਤੀ ਹੋ ਕੇ ਸਾਡੇ ਦੇਸ਼ ਦੀ ਸੇਵਾ ਕਰ ਰਿਹਾ ਹੈ। ਹੱਥ ਵਿਚ ਰਾਈਫਲ ਫੜਕੇ ਲੇਹ-ਲੇਦਾਖ ਦੀਆਂ ਦੇਸ਼ ਦੀਆਂ ਹੱਦਾਂ ਉਤੇ ਪਹਿਰਾ ਦੇਣ ਦੇ ਨਾਲ-ਨਾਲ ਸੁਰੀਲੀ ਦਮਦਾਰ ਅਵਾਜ਼ ਅਤੇ ਮਿਆਰੀ ਕਲਮ ਦੀਆਂ ਖ਼ੂਸ਼ਬੂਆਂ ਵਿਖੇਰਦਿਆਂ ਪੰਜਾਬੀ ਸਾਹਿਤ ਤੇ ਸੱਭਿਆਚਾਰ ਦੇ ਖ਼ਜਾਨੇ ਨੂੰ ਮਾਲੋ-ਮਾਲ ਕਰਨ ਵਿਚ ਜੁਟਕੇ ਭਾਰਤ ਦੇਸ਼ ਦਾ ਸਿਰ ਉੱਚਾ ਕਰ ਰਹੇ ਇਸ ਨੌਜਵਾਨ ਉੱਤੇ ਜਿੰਨਾ ਮਾਣ ਕੀਤਾ ਜਾਵੇ ਥੋੜ੍ਹਾ ਹੈ। ਇਸ ਨੌਜਵਾਨ ਬੀ. ਬਲਬੀਰ ਅਤੇ ‘ਕੇਸ’ ਗੀਤ ਦੇ ਗੀਤਕਾਰ ਗੁਰਿੰਦਰ ਚੱਕਲਾਂ ਦੀ ਸੁਚੱਜੀ ਸੋਚ-ਉਡਾਰੀ ਨੂੰ ਮਾਲਕ ਅਨੰਤ ਬਲ ਬਖਸ਼ੇ, ਦਿਲੀ ਦੁਆਵਾਂ ਹਨ, ਸਾਡੀਆਂ।
No comments:
Post a Comment